तीन हेलिकप्टर प्रयोग गरिएको अधिवेसन स्थगित

बिवादपछि एमालेको क्षेत्रीय भेला स्थगित

धादिङबेसी चैत्र ४ । पार्टीको आन्तरिक तयारी नपुगेको भन्दै नेकपा एमाले धादिङ १ नम्बरको  क्षेत्रीय अधिवेशन चैत्र २२ गते सम्मको लागि स्थगित गरिएको छ ।

तीन वटा हेलीकप्तर प्रयोग गर्दै तामझामको साथ चैत्र १ गते उद्घाटन गरिएको अधिवेशनमा अध्यक्ष पदको लागि विवाद भएपछि  सहमति जुटाउनको लागी चैत्र २२ गते सम्म स्थगित गरिएको बताईएको छ ।

चैत्र १ गते नेकपा एमालेका नेता तथा गृहमन्त्री वामदेव गौतमले उद्घाटन गर्नुभएको अधिवेशनमा तीन गते सम्म सहमति जुट्न नसकेपछि   अधिवशनै स्थगित गरिएको हो । सल्यानकोट गाविस वडा न. १ रिङनेमा तीन वटा हेलिकप्टर चार्टर गरेर दलको ठुला नेता ल्याए पनि धादिङ क्षेत्र नं. १ मा एमाले कार्यकर्ता जिल्ला नेतृत्व प्रति आक्रोस पोखि रहेका छन् । हिजो कार्यकर्ता घाईते हुँदा गाडी समेत व्यावस्था नगर्ने   जिल्ला नेतृत्व आज क्षेत्रिय अधिवेशनमा ३ वटा हेलिकप्टर चार्टर गर्छ यस्तो नि हुन्छ एक कार्यकर्ताले आक्रोस पोखे ।  सदरमुकामबाट नजिकै रहेको सल्यानकोट गाविसमा  मोटरबाटो हुदै दुई घण्टामा पुग्न सकिन्छ । एमाले नेता एवं सभाषद राजेन्द्र पाण्डे सहित एमाले नेता तथा अन्य अतिथिहरु फरक–फरक हेलिकप्टर चार्टर गरेर कार्यक्रम स्थल पुगेका थिए । अघिल्लो दिन साँझ सम्म धादिङ भएका पाण्डे भोलि पल्ट हेलिकप्टर चडेर अधिवेशन स्थाल आउदा कार्यकताहरु दङ्ग परेका थिए ।