इश्वरीय तत्व भेटिएको पुष्टि

वैज्ञानिकहरुले ब्रम्हाण्डमा इश्वरीय कण फेला परेको पुष्टि गरेका छन् । स्विजरल्याण्डमा हालै एक कार्यक्रमकाबीच वैज्ञानिकहरुले हरेक पदार्थमा इश्वरीय तत्व अर्थात् हिग्स कण रहने कुरा आफुहरुले पत्ता लगाएको घोषणा गरे ।

यसअघि पनि इश्वरीय तत्व फेला परेको भन्ने बारेमा विभिन्न अफवाह आउने गरेपनि यसको अहिलेसम्म वैज्ञानिक ढंगले पुष्टि हुन सकेको थिएन । तर स्विजरल्याण्ड र प|mान्सको सीमा क्षेत्रमा जमिनमुनि रहेको २७ किलोमिटर लामो सुरुङभित्र गरिएको चर्चित लार्ज हाड्रोन कोलाइडर प्रयोगबाट हरेक पदार्थको अणुको बीचमा हिग्स कण रहने र सोही कणले नै हरेक पदार्थमा पिण्डको सिर्जना गर्ने तथ्य पत्ता लागेको हो ।

उक्त निकै महंगो तथा जटिल वैज्ञानिक प्रयोगबाट निकालिएको पछिल्लो नतिजा प्रारम्भिक मात्र भएको र यसमा केही परिमार्जन हुन सक्ने भएपनि इश्वरीय तत्व हुने कुराको भने सबुत नै फेला परेको वैज्ञानिकहरुको भनाइ छ ।

ब्रम्हाण्डमा इश्वरीय तत्व रहेको कुरा वैज्ञानिक ढंगले नै पुष्टि भएपछि अब ब्रम्हाण्ड तथा यसमा रहेका तारा र ग्रह उपग्रहको उत्पत्तिका विषयमा पनि धेरै प्रश्नहरु मेटिने बताइएको छ ।