धादिङ बन्दले जनजीवन प्रभावित, पसल समेत खुलेनन्

धादिङबेसी असार ३० / अन्तरजातीय विवाहका विषयलाई लिएर गैर दलितहरुको आक्रमणबाट विस्थापित भएका पिंडाका दलित समूदाय दोषी माथि कारबाहीको माग गर्दै गरेको धादिङ बन्दले बिहानै यातायातका कुनै पनि सवारी चलेका छैनन् भने धादिङबेसी सदरमुकाम ठप्प छ  अन्तरजातीय विवाहका विषयलाई लिएर गैर दलितहरुको आक्रमणबाट विस्थापित भएका पिंडाका दलित समूदाय दोषी माथि कारबाहीको माग गर्दै आन्दोलित भएका थिए । मूलाखर्क घटना संयुक्त संघर्ष समितिको गठन गरी आन्दोलनका कार्यक्रम सार्वजनिक गर्दै उनीहरुले असार २७ गते जिल्ला प्रशासन कार्यालयमा ज्ञापन पत्र बुझाएका थिए भने, असार २८ गते विरोध ¥याली सहित जिल्ला प्रशासन कार्यालयमा धर्ना र २९ गते पृथ्वी राजमार्ग र धादिङबेसीमा बिहान ११ बजेदेखि १ बजेसम्म दुई घण्टा चक्का जाम गरेका थिए ।  यी सघर्षका कार्यक्रमले पनि जिल्ला प्रसासनले दोसी माथि कार्वाही नगरेकाले असार ३० गते पृथ्वीराजमार्ग सहित धादिङ बन्द गर्ने लगायतका आन्दोलन गर्नु परेको बन्द कर्ताको भनाई छ ।आन्दोलनमा नेपाल राष्ट्रिय दलित मुक्ति मोर्चा, नेपाल दलित संघ, नेपाल उत्पीडित जातिय मुक्ति समाज, दलित सेवा संघ, नेपाल राष्ट्रिय दलित समाज कल्याण संघ धादिङ र उत्पीडित दलित तथा बालबालिकाको लागि सहायता केन्द्रले समेत ऐकेवद्धता जनाएका छन् । यसअघि नै पीडित पक्षले प्रहरी प्रशासनमा किटानी जाहेरी दिईसकेका छन् । स्थानीय सम्झना सुवेदी र नवराज सुनुवारबीच भएको अन्तरजातीय विवाहका विषयलाई लिएर यहि असार १९ गते स्थानीय गैर दलितहरुले आक्रमण गरेपछि पिंडाका १० घर दलित समूदाय आतङ्कीत बनेको थिए ।