नलाङ काम्दीमा स्थानिय बासिन्दाको सकृयतामा मोटरबाटो निर्माण

धादिङ, बैशाख २ । नेताहरुको घर–घर मोटरबाटो पुगेको धादिङ नलाङ गाविसमा चुनावमा मात्र नेताहरु पुग्ने नलाङ कै काम्दी भन्ने ठाउँका स्थानिय बासीहरुले पैसाउठाएर मोटर बाटो खनेका छन् ।

विकास निर्माणको लागि नेताकोे मुख ताक्न थाकेरस्थानिय बासिन्दाहरु अहिले विकास निर्माणको लागि आफै जुट्न थालेका हुन् । सम्बन्धित निकायले कुनै वास्ता नगरेपछी नलाङ गाउँ विकास समिति वडा नं. ६ का स्थानिय वासीन्दाहरुले चन्दा संकलन गरी  कुवापानी देखि काम्दी सडकखण्डको चार किलोमिटर मोटरबाटोको निर्माण कार्य सम्पन्न गरेका छन् । सम्बन्धित निकायलाइ पटक–पटक जानकारी गराउँदा  पनि  कुनै चासो नदेखाएपछी गाउँको विकासको लागि स्थानिय वासिन्दाहरु आफै सकृय भएका हुन् ।
नलाङ गाउँ विकास समितिको २० हजार र स्थानिय ३३ घरधुरीबाट चन्दा संकलन गरी जम्मा एक लाख आठ हजार एक सय रुपैयाँको लागतमा मोटरबाटो निर्माण कार्य सम्पन्न गरिएको निर्माण समितिका अध्यक्ष लुमणीबहादुर सिलवालले बताउनु भयो ।  नेताहरुलाई भेट्न सम्म भेटियो सबै आफ्नै दुनो सोझ्याउने रहेछन् उनीहरुको भर पर्दा यसपाली पनि सडक नखनिने हुनाले हामी आफै तातेको बताउनु हुन्छ मोटरबाटो अनुगमन समितिका संयोजक सान्त बहादुर सिलवाल । स्थानिय बासिन्दाहरु विकास निर्माणको कार्यमा आफै सक्रिय भएको प्रति खुसी ब्यक्त गर्नुहुदै समितिका सचिव रञ्जना अर्याल यस्तो कार्यको सबैले अनुसरण गर्नुपर्ने बताउनु हुन्छ । मोटरबाटो निर्माणको लागि गाविस र जिविसमा धाउँदा पनि कुनै उपाय नलागेपछि प्रतिघरधुरी रकम संकलन गरि स्काभेटरको सहायताले ४७ घण्टा लगाएर मोटोरबाटो निर्माण कार्य सम्पन्न भएको हो ।
मोटरबाटोको निर्माण कार्य पश्चात स्थानीय बासिन्दाहरुलाई आवत(जावतमा सहज हुन निर्माण समितिका सचिव बलराम गिरीले जानकारी दिनुभएको छ ।