धादिङको त्रिपुरासुन्दरी माईको जात्रा सम्पन्न

धादिङ मंसिर १८ । न्वागी पर्वको अवसरमा मनाईने धादिङको त्रिपुरासुन्दरी माई मन्दिरको जात्रा आज सम्पन्न भएको छ ।
आज बिहान सबेरै त्रिपुरासुन्दरी माईको पुजा गरी मूल पुजारी र माइको मन्दिरका सेवक तथा भक्तजनहरुको लावालस्करले विशेष पैदलयात्रामा बाजागाजा सहित बेसीको मन्दिरमा माईलाई भित्र्याइएको थियो ।

पर्वको विशेष अवसर पारेर एमाओवादी धादिङले मेला स्थलमा जनसभा तथा साँस्कृतिक कार्यक्रम समेत सम्पन्न गरेको छ । एमाओवादी धादिङले आयोजना गरेको सभालाई सम्बोधन गर्न एमाओवादीका केन्द्रिय समितिका सचिव तथा पुर्व अर्थमन्त्रि वर्षमान पुन अनन्तले निर्धारित समयमा सहमतिबाट नै संविधान जारी हुनेमा आशङका बढेर गएको बताउनु भएको छ ।
पहिलो संविधानसभाले संविधान बनाउन नसक्नुकारण एमाले काँग्रेस नै भएको दुनियालाई थाहा भएको बताउदै अनन्तले यो संविधान सभालाई पनि बहुमतको नाममा विघटन गरिए बहुमतको मन्त्र जप्नेहरुले जिम्मेवारी लिनुु पर्ने बताउनु भएको थियो ।
यसैगरी एमाओवादी पो्लिट ब्यूरो सदस्य तथा तामसालिङ राज्य समितिका संयोजक नारायण दाहालले काँग्रेस एमाले संविधान निर्माण भन्दा सत्ता भागबन्डामा केन्द्रित रहेको आरोप लागाउदै उनीहरु सहमतिका आधारमा संविधान निर्माण प्रक्रियामा नआएको बताउनु भएको थियो ।
कार्यक्रममा एमाओवादी अर्का पोलिट ब्यूरो सदस्य तथा धादिङ नुवाकोट रसुवाका ईन्र्चाज हितबहादुर तामाङले राज्य पुनर संरचना गर्दा जातिय पहिचान झल्किने गरी धादिङ तामसालिङमा पर्छ । एमाओवादीले संघिय राज्यको नाम जनतामा स्थापित गरिसकेको बताउदै अब बहुमतका नाममा हुने खेल नस्वीकारीने बताउनु भएको थियो ।
कार्यक्रममा एमाअ‍ेवादीका पुर्व सभासद एवम् केन्द्रिय सदस्य पुष्पविक्रम मल्ल, अखिल नेपाल यातायत मजदुर संघका केद्रिय अध्यक्ष जगत सिंखडा, लगायतको आतिथ्यता रहेको थियो । जनवादी कलाकारहरुले सभामा भरपूर जनवादी गितले मनोरन्जन दिएका थिए ।
एमाओवादी धादिङका जिल्ला अध्यक्ष रामबहादुर भण्डारीको सभापतित्वमा सम्पन्न उक्त सभाको संचालन जिल्ला उपाध्यक्ष राजु नेपालले गर्नु भएको थियो ।