प्रकाश माविमा गायन तथा नृत्य प्रतियोगिता सम्पन्न

धादिङ फागुन ११ खाल्टे /
प्रकाश माध्यामिक विद्यालय खाल्टे–९, काउले धादिङमा आज प्राथमिक तहको गायन तथा नृत्य प्रतियोगिता सम्पन्न भएको छ । विद्यालयको ५५ औ वार्षिकोत्सवको अवसरमा आयोजित प्रतियोगितामा ५ वटा विद्यालयको सहभागिता रहेको थियो । जसमा लामागुरु माध्यामिक विद्यालय नीलकण्ठ प्रथम, प्रकाश माध्यामिक विद्यालय खाल्टे काउले द्वित्तिय, जलदेवी निम्न माध्यामिक विद्यालय नीलकण्ठ तृतीय र पञ्चमिलन कलादेवी प्राथमिक विद्यालय दाङसिङ नुवाकोट सान्त्वना भएका छन् ।
विद्यालयका अतिरिक्त क्रियाकलाप संयोजक शिक्षक सुन्तली थिङ तामाङको अध्यक्षता र विद्यालय व्यवस्थापन समितिका अध्यक्ष प्रेम बहादुर तामाङको प्रमुख आतिथ्यमा सम्पन्न प्रतियोगिताका विजयी विद्यार्थीहरुलाई वार्षिकोत्सव विशेष कार्यक्रमको अन्तिम दिन यहि फाल्गुन १३ गते पुरस्कृत गरिने बताइएको छ