नाचगान गर्ने क्रमममा खुकुरी प्रहार ५ जना घाइते

धादिङ फाल्गुण २ चैनपुर /

नाचगान र रमाइलो गर्ने क्रममा एक युवाले धारिलो हतियार प्रहार गर्दा हिजो बेलुका चैनपुरमा ५ जना गम्भिर घाइते भएका छन् । चैनपुर ६ मगर गाउँ स्थित कृष्णबहादुर श्रेष्ठको घरमा उहाँका नातिनीहरुको बेल विवाहका अवसरमा भैरहेको नाचगानका क्रममा चैनपुर ७, सुनखानीका शन्तोष श्रेष्ठले स्थानीय बासिन्दा माथि धारिलो हतियार प्रयोग गरेको आशंका छ । सो अवसरमा घरमुली कृष्णबहादुर श्रेष्ठ, स्थानीय काजी शाही, मोहनराज अर्याल, रामकृष्ण मगराती र हिराबहादुर श्रेष्ठ घाइते भएका हुन् । घाइते मध्ये शाही र अर्याललाई थप उपचारको लागि काठमाडौं पठाईएको छ भने, अन्य जिल्ला अस्पताल धादिङमा सामान्य उपचार पश्चात घर फर्किएका छन् । अहिले अनुशन्धानको लागि श्रेष्ठलाई जिल्ला प्रहरी कार्यलयमा राखिएको जिल्ला प्रहरी कार्यालय धादिङले जनाएको छ ।