चट्याङमा परेर ६ जना घाइते

धादिङ चैत्र २१ खाल्टे
सोमबार बेलुका आएको हावाहुरी संगै परेको चट्याङका कारण धादिङको खाल्टे गाउँ विकास समिति वडा नं. ५ राम्चे बसाहाटोलका ६ जना घाइते भएका छन् । घाइते मध्ये दुईको अवस्था गम्भिर छ । हिजो साँझ ६ बजे परेको चट्याङका कारण स्थानीय १४ वर्षिया निर्मला गैरीपिले, ११ वर्षिया शन्तोषी गैरीपिले, ८ वर्षिया सीता गैरीपिले, ७ वर्षिय प्रदिप गैरीपिले र ५ वर्षिय सुमन गैरीपिले घाइते भएका हुन् ।

घाइतेहरुलाई उपचारको लागि धादिङबेसी ल्याईंदै गरेको स्थानीय पूर्णबहादुर श्रेष्ठले बताउनुभयो । चट्याङले राम्चे बसाहाटोलका विबहादुर गैरीपिले, रामबहादुर गैरीपिले र गोविन्द गैरीपिलेको घर पूर्णरुपमा क्षतिग्रस्त भएको छ भने, दुई वटा बाख्रा समेत मरेको बताइएको छ ।