पिंडाका दलित समुदाय आन्दोलित

असार २६ धादिङ । अन्तरजातीय विवाहका विषयलाई लिएर गैर दलितहरुको आक्रमणबाट विस्थापित भएका पिंडाका दलित समूदाय दोषी माथि कारबाहीको माग गर्दै आन्दोलित भएका छन् । मूलाखर्क घटना संयुक्त संघर्ष समितिको गठन गरी आन्दोलनका कार्यक्रम सार्वजनिक गरिएको हो । जस अन्तर्गत यहि असार २७ गते जिल्ला प्रशासन कार्यालयमा ज्ञापन पत्र बुझाउने, असार २८ गते विरोध ¥याली सहित जिल्ला प्रशासन कार्यालयमा धर्ना दिने, २९ गते पृथ्वी राजमार्ग र धादिङबेसीमा बिहान ११ बजेदेखि १ बजेसम्म दुई घण्टा चक्का जाम गर्ने र ३० गते पृथ्वीराजमार्ग सहित धादिङ बन्द गर्ने लगायतका आन्दोलनका कार्यक्रम रहेका छन् । आन्दोलनमा नेपाल राष्ट्रिय दलित मुक्ति मोर्चा, नेपाल दलित संघ, नेपाल उत्पीडित जातिय मुक्ति समाज, दलित सेवा संघ, नेपाल राष्ट्रिय दलित समाज कल्याण संघ धादिङ र उत्पीडित दलित तथा बालबालिकाको लागि सहायता केन्द्रले समेत ऐकेवद्धता जनाएका छन् । यसअघि नै पीडित पक्षले प्रहरी प्रशासनमा किटानी जाहेरी दिईसकेका छन् । स्थानीय सम्झना सुवेदी र नवराज सुनुवारबीच भएको अन्तरजातीय विवाहका विषयलाई लिएर यहि असार १९ गते स्थानीय गैर दलितहरुले आक्रमण गरेपछि पिंडाका १० घर दलित समूदाय आतङ्कीत बनेका थिए ।