वैद्य आईतबार चीन भ्रमणमा जाने

काठमाण्डौ, असार ३० -चिनियाँ कम्युनिष्ट पार्टीको निमन्त्रणामा नव–गठित नेकपा –माओवादीका अध्यक्ष मोहन वैद्य आईतबार चीन भ्रमणमा जाने भएका छन् । वैद्यको चीन भ्रमणलाई अर्थपूण रुपमा हेरिएको छ ।

पार्टी विभाजन पछि वैद्यको यो पहिलो चीन भ्रमण हो । एमाओवादीबाट औपचारिक रुपमा पार्टी विभाजन भएर नेकपा–माओवादी गठन भएको एक महिना नबित्नै वैद्यले चीनको भ्रमण गर्न लागेका हुन् ।

वैद्यसंगै पार्टी विदेश विभाग प्रमुख इन्द्रमोहन सिग्देल पनि चीन जाने कार्यक्रम रहेको पार्टी प्रवक्ता पम्पा भुसालले जानकारी दिएकी छन् । दुई देशका कम्युनिष्ट पार्टीबीचको सम्बन्ध विस्तार तथा पार्टी विभाजनपछिको अवस्था बारे चिनियाँ कम्युनिष्ट नेताहरुसंग छलफल हुने कार्यक्रम रहेको बताइएको छ ।