हेलिकोप्टर आकस्मिक अवतरण

बागलुङ, श्रावण ७ - काठमाडौंबाट डोल्पाका लागि आइतबार उडेको हेलिकोप्टर मौसम खराबीको कारण दुई पटकसम्म बागलुङको बुर्तिवाङमा आकस्मिक अवतरण गरेको छ ।

दुनैका लागि उडेको ९ एन माउन्टेन हेलिकोप्टर ढोरपाटन क्षेत्रमा मौसम खराब भएपछि आकस्मिक रुपमा बिहान ९ बजे र दिउँसो १ बजे फेरी अवतरण गरेको प्रहरी नायव उपरिक्षक कृष्ण सिवाकोटीले बताए ।

चालक दिपक पुन सहित ३ जना सवार उक्त हेलिकोप्टरले खराव मौसमका कारण आकस्मिक अवतरण गरेपछि तीन घण्टा सम्म बसेर मौसम खुल्ने सम्भावनाको खोजी गरेको थियो । केही खुलेको पाएपछि अर्घाखाँचीको बाटो हुँदै डोल्पा लैजानका लागि चालकले प्रयास गरेपनि असफल भएपछि फेरी बुर्तिवाङ स्थित इलाका प्रहरी कार्यालयको परिसरमा अवतरण गराइएको हो ।

बर्षादको कारण ढोरपाटन र आसपासको क्षेत्रमा मौसम प्रतिकुल रहेको छ । चालक सहित तीनै जनाले बुर्तिवाङमै खाना खाएको पुनले बताए ।