एमाओवादीको विस्तारीत वैठक सकियो, तहगत संरचना भंग, माघमा महाधिबेसन

काठमाडौं, साउन ७। एकीकृत नेकपा (माओवादी) को सातौं विस्तारित बैठक सकिएको छ । साउन २ गते सुरु भएको सो बैठक शनिबार बेलुकी पुष्पकमल दाहाल ‘प्रचण्ड’द्वारा प्रस्तुत राजनीतिक दस्तावेज सर्वसम्मतबाट पारित गर्दै सकिएको हो ।

पाँच दिनको बैठकमा उठेका सवालहरुमाथि स्पष्ट पार्दै अध्यक्ष प्रचण्डले बैठक समापन भएको घोषणा गरेका हुन् । बैठकको निर्णयबारे जानकारी दिन आइतबार अपरान्ह ३ बजे पार्टी केन्द्रीय कार्यालय पेरिसडाँडामा पत्रकार सम्मेलन गरिने जनाएएको छ ।

बैठकमा अध्यक्ष प्रचण्डले विशेष प्रस्ताव गर्दै केन्द्रीय समिति विघटन गर्दै राज्य र जिल्लामा सम्मेलन आयोजक समिति बनाइने निर्णण् समे त गरिएको जनाइएको छ । बैठकमा अध्यक्ष प्रचण्डले आवासको वैकल्पिक व्यवस्था हुनासाथ लाजिम्पाट छोड्ने समेत घोषणा गरेका छन् । उनले राज्यले दिएको महंगो गाडी पनि नचढ्ने घोषणा गरिरहँदा कार्यकर्तामा निकै उत्साह आएको थियो । प्रचण्डको सो घोषणा पश्चात कार्यकर्ताले लगातार रुपमा ताली बजाएका थिए ।

यसै वर्षको माघ महिनामा महाधिवेशन गर्ने निर्णय गरेको विस्तारित बैठकले विशेष प्रस्ताव समेत पारित गर्दै पारित गर्दै नेता र कार्यकर्तालाई पढाउन पार्टी स्कुल स्थापना गरिने, राज्यको नेतृत्व पनि हेरफेर गरिने, केन्द्रीय कार्यालय र नेताहरुको सचिवालयमा हेरफेर गरिने, लेखा र आर्थिक समिति बनाई पार्टीको सबै सम्पति समितिमा बुझाईने, केन्द्रीय कार्यालय र नेताहरुको सचिवालयमा हेरफेर गरिने लगायतका निर्णण्हरु गरेको स्रोतले जनाएको छ ।