प्रधानमन्त्री निवासबाटबाट ३७ अधिकारकर्मी पक्राउ

पुलिस क्लव। काठमाडौ,श्रावण ४ । प्रधानमन्त्री निवास वालुवाटार अगाडी धर्ना दिन गएका अधिकारकर्मीहरुलाई प्रहरीले पक्राउ गरेको छ। अपरान्ह साँढे चार बजे धर्ना तथा प्रदर्शन गर्न गएका अधिकारकर्मीहरुलाई प्रधानमन्त्री निवास पुग्नु अगाडी नै पक्राउ गरिएको हो। पक्राउ पर्नेहरुमा अधिकारकर्मी कृष्ण पहाडी, कृष्ण कँडेल, होमकान्त चौलागाँई, अजयवावु शिवाकोटी, राजन कुँइकेल, गंगाधर अधिकारी, सूर्य अधिकारी, प्रताप पौडेल लगायत ३७ जना रहेका छन्।

मानवअधिकार तथा शान्ति समाजले आह्वान गरेको विरोध कार्यक्रममा मानव अधिकार, शान्ति, लोकतन्त्र र अहिंसाको पक्षमा आवाज वुलन्द गर्दै गर्दा प्रहरीले उनीहरुलाई हस्तक्षेप गरी पब्राउ गरेको हो। पक्राउ गर्ने क्रममा प्रहरीले सामान्य वल समेत प्रयोग गरेको थियो। यस क्रममा केहि अधिकारकर्मी घाइते समेत भएका छन्।

सरकार प्रमुखका रुपमा प्रधानमन्त्री डा. बाबुराम भट्टराई स्वतन्त्रताको विरोधी रहेको ठहर मानवअधिकारकर्मीहरुको छ। उनीहरुले सरकार भ्रष्टाचारमा लिप्त रहेको महंगीले जनताको ढाड सेक्दा पनि मौन रहेर दण्डहीनतालाई प्रश्रय दिएको भन्दै विरोध जनाएका थिए।

संविधान सभा विघटनको दोषी मूल दोषी सरकार प्रमुखका रुपमा प्रधानमन्त्री डा. बाबुराम भट्टराई हेको समेत अधिकारकर्मीहरुको आरोप छ।

मानवअधिकारकर्मी कृष्ण पहाडीले स्वतन्त्रताको प्राण हरण गर्न प्रधानमन्त्री बाबुराम भट्टराई लागेका जनाउँदै उनका कृत्यको उनकै सरकारी निवासमा गएर भण्डाफोर गर्ने क्रममा आफूहरुलाई पक्राउ गरेको बताउनुभएको छ। प्रधानमन्त्री भट्टराईको गतिविधिले उनी स्वतन्त्रता विरोधी भएको प्रमाणीत हुँदै गएको पहाडीले बताउनुभयो।

स्वतन्त्रता प्राण रहेको र यो प्राण हर्ने नियत बोकेकाहरुलाई समयमै चिन्न र उदाङ्गो पार्ने अभियानलाई अझ जारी राख्ने अर्का अधिकारकर्मी कृष्ण कँडेलले बताउनुभयो।

हाम्रा कुराडटकमका सम्पादक अजय बाबु शिवाकोटीले शान्तिपूर्ण धर्नामा बसेका नागरिकहरुलाई पक्राउ गरेर सरकारले निरंकुशता प्रदर्शन गरेको टिप्पणी गर्नुभयो।

पक्राउ पर्नेहरु

· कृष्ण पहाडी

· होमकान्त चौलागाई

· कृष्ण कँडेल

· गंगाधर अधिकारी

· राजन कुँइकेल

· अजयबाबु शिवाकोटी

· प्रताप पौडेल

· सूर्य बहादुर अधिकारी

· कुमारराज सुवेदी

· मुरारी फुँयाल

· वच्चुराम शर्मा

· सुमन श्रेष्ठ

· प्रकाश सेढाँई

· अच्युत विष्ट

· रुद्रलोचन आचार्य

· गोविन्द काफ्ले

· गोविन्दविक्रम शाही

· भरत वहादुर विसी

· हरिश पौडेल

· दिवाकर अर्याल

· अर्जुन लामिछाने

· ठाकुर प्रसाद भण्डारी

· गोविन्द प्रसाद गजुरेल

· शिव भट्टराई

· रत्नलक्ष्मी श्रेष्ठ

· बाबुराम भट्टराई

· ज्योती तिमिल्सिना

· निलाम्वर रेग्मी

· जानुका भण्डारी

· ओमकृष्ण केसी

· पुरुषोत्ता घिमिरे

· महेश आचार्य

· उद्धव रायमाझी

· अन्जना अर्याल

· रेणुका पौडेल

· अजय थापा

· प्रतिमा पन्थी

· हेमन्त प्रसाद दाहाल

यसैबिच नेपाल प्रेस यूनियनका अध्यक्ष किरण पोखरेलले शान्तिपैर्ण धर्नामा बसेका यूनियनका केन्द्रिय सदस्य लगायतका अधिकारकर्मीहरुको पक्राउको विरोध गर्नुभएको छ। यो खबर हाम्रो कुरा डटकमबाट भार गरिएको हो