पहिरोका कारण पृथ्वी राजमार्ग अबरुद्ध

धादिङ श्रावण १२ / धादिङको बैरेनी गाविस ९ बैरेनी बजारमा बिहीबार राति गएको पहिरोका कारण पृथ्वी राजमार्ग अबरुद्ध भएको छ । पहिरोका कारण राति २ बजेदेखि सवारी साधन आवत जावतमा अबरोध भएको  छ ।
ईलाका प्रहरी कार्यालय गजुरीका प्रहरी निरीक्षक बिनोद घिमिरेका अनुसार दुईतर्फी सवारीसाधन आवत जावत गर्नेगरी पहिरो हटाउन अहिले  चार वटा डोजर लगाईएको छ ।  मुग्लिङनतर्फ करिव ६ किलोमिटर र काठमाण्डौतर्फ दुई किलोमिटर बराबर सवारी साधन जाममा परेको छ ।