काठमाडौ, श्रावण १० - युवा पुस्ताको प्रेमकथामा आधारित नेपाली कथानक चलचित्र 'बिन्दास' सम्पूर्ण निर्माणकार्य सकेर प्रदर्शनको तयारीमा छ । मधुकुमार श्रेष्ठ र राजु केसीले निर्माण गरेको फिल्म भदौ ८ गतेबाट मुलुकभरका ४० वटा स्टेसनबाट एकसाथ प्रदर्शनीमा आउने बताइएको छ ।

राजु गिरीको निर्देशन रहेको फिल्ममा प्रेमको नाममा नयाँ पुस्तामा देखापरेको विसंगतिजन्य विषयलाई उठान गरिएको बताइएको छ । फिल्ममा सुषमा कार्की, सुशान्त कार्की, अशोक फुँयाल लगायतको अभिनय हेर्न सकिनेछ । मार्सल फिल्मस् प्रालिको ब्यानरमा निर्मित फिल्ममा संगीत अर्जुन पोखरेल, कथा भोजराज देवकाटा र द्वन्द्व रोशन श्रेष्ठको रहेको छ ।