हिजो बीचबजार बन्द आज बसपार्क बन्द

धादिङबेसी जेष्ठ १० । धादिङवेसी बिचबजारमा रहेको टिकट काउण्टर हटाउने र बसपार्कबाट मात्र काउन्टर राखेर टिकट काट्ने बसपार्क बासीहरुको र जिल्ला प्रशासन कार्यालयको निर्णयको विरोध गर्दै हिजो धादिङबेसी बिचबजारका स्थानीयले प्रदर्शन गरेका थिए । प्रदर्शनका क्रममा बालिएको टायरको धुँवाले हिजो दिनभर जस्तो बजारबासिलाई असर गरेको थियो । यता बीचबजार बासीको विरोधको प्रतिउत्तर जस्तै देखिने गरी पुछार बजार स्थित बसपार्कवासीले आज बसपार्क क्षेत्र बन्द र बसपार्कमा गाडी प्रवेसमा रोक लगाएका छन् । धादिङबेसी विचबजारमा रहेको बस, केही दिनअधि मात्रै माईक्रोबस लगायत सबै प्रकारका यातायातका साधनहरु बसपार्कमा राख्ने र बसपार्कमा संचालित टिकट काउण्टरलाई नै संचालनमा ल्याई पूर्ण रुपमा यातायातको साधनहरु बसपार्कमा केन्द्रित गराउने निर्णय जिल्ला प्रशासन कार्यालय तथा अन्य सरोकारवाला निकायका प्रतिनिधिहरुले गरेका थिए । विचबजार चोकबाट मिलनटोल जान लागेको यातायातका साधनलाई प्रहरीले रोक लगाएपछि स्थानीयहरुले त्यसको विरोध गरेका थिए ।