सरस्वती उच्च माविमा अन्तरक्रिया

सुमन अधिकारी।
धादिङ १४ असार । सरस्वती उच्च माध्यमिक विद्यालय धुवाँकोट धादिङमा विहिवार पुरस्कार वितरण तथा अन्तरक्रिया कार्यक्रम सम्पन्न भएको छ । विद्यालय व्यावस्थापन समितिका सदस्य निम बहादुर गुरुङको अध्यक्षता एकीकृत नेकपा माओवादी ताम्सालीङ राज्य समितिका सदस्य राजु नेपाल विकासको प्रमुख आतिथ्यतामा सम्पन्न भएको कार्यक्रममा शिक्षक अभिभावक संघका अध्यक्ष भिम बहादुर दाहाल, समाजसेवी राजकुमार श्रेष्ठ, विभिन्न संघ–संस्थाका प्रतिनिधि, सरोकारवाला निकायका प्रतिनिधी, शिक्षक तथा अभिभावकहरुको सहभागीता रहेको थियो । कार्यक्रममा बोल्दै प्रमुख अतिथी राजु नेपाल विकासले विद्यार्थीहरुमा छाडा प्रवृत्तिले गर्दा शैक्षिक गुणस्तर खस्कीएको बताउनु भएको थियो ।

 आधुनिकताले जति फड्को मारेपनि विद्यार्थीहरुले त्यसको दुरुपयोग गर्दा उनीहरुको पढाई खस्कीदै गईरहेको धारणा राख्नु भएको थियो ।
 विद्यालय तहदेखीनै विद्यार्थीहरुले मोबाइल फोन बोक्नु, सामाजिक सञ्जाल फेसवुकको दुरुपयोग गर्नुले पनी उनीहरुको पढाई प्रतिको झुकाव कम भएको धारणा राख्नु भएको थियो ।  प्रवेशीका परिक्षामा  सामुदायिक विद्यालय तर्फको नतिजा न्युन हुनुनै यसको प्रमुख कारण रहेको बताउनु भएको थियो । विद्यार्थीहरुको अभिभावकहरुले नै आफ्नो छोराछोरीको पढाई प्रति चासो नदेखाउनु र शिक्षकहरुले पनि  कडाई नगर्नुले पनि शैक्षिक गुणस्तर खस्कीएको तर्क राख्नु भयो ।
 सो अवसरमा शैक्षिक सत्र २०६९ सालमा कक्षागत रुपमा प्रथम, द्धितिय र तृतीय हुने विद्यार्थीहरुलाई शैक्षिक सामाग्रीबाट पुरस्कृत गरिएको सहकर्मी सुमन अधिकारीले जानकारी दिनुभएको थियो । कार्यक्रमको अवसर पारेर २०६८ सालको  प्रवेशीका परिक्षामा विशिष्ट श्रेणी ल्याउन सफल छात्रा मिलन दाहाललाई नगद पाँच हजारबाट पुरस्कृत गरिएको थियो । विद्यालयमा आजै भएको अन्रतक्रिया कार्यक्रमका सहभागीहरुले विद्यार्थीहरुको शैक्षिक गुणस्तर सुधार गर्नको लागी शिक्षक र अभिभावकहरुको महत्वपुर्ण भुमिका रहने उल्लेख गरेका थिए । अहिले विद्यार्थीहरु उच्छृङखल कार्यमा लागेको भन्दै अभिभावकहरुले विद्यार्थीहरुलाई अनुशासनको दायरामा ल्याउनु पर्ने सुझाव दिएका थिए ।