राजनीतिक स्थिरता र आथिर्क विकास हाम्रो मूल एजेण्डा– धमला

८ कार्तिक नीलकण्ठ । संविधानसभाको निर्वाचन नजिकीदै गर्दा एकीकृत नेकपा माओवादी निर्वाचन क्षेत्र न. २ आफ्नो पक्षमा जनमत जुटाउनको लागी जनताहरुको घरदैलो जाने अभियान अन्तगर आज नीलकण्ठ गाउँ विकास समितिको  पाँचधारेमा अन्तरया कार्यक्रम सम्पन्न गरेको हो  ।

कार्यक्रममा बोल्दै एकीकृत नेकपा माओवादीका केन्द्रिय सदस्य र निर्वाचन क्षेत्र न. २ का उम्मेदवार कल्पना धमलाले दराजनीतिक स्थिरता र आथिर्क विकास हाम्रो मूल एजेण्डा पार्टी एकीकृत नेकपा माओवादीलाई मत दिनको लागी जनतासँग आग्रह गर्नुभएको छ । यथास्थितिवादी, प्रतिक्रियावादी, पहिचान र संघीयता विरोधीहरुले वर्षौदेखि जनताहरुलाई  धोका दिँदै आएको चर्चा गर्दैै उहाँले आगामी मंसिर ४ गतेको दोस्रो तथा अन्तिम संविधानसभाको निर्वाचनमार्फत् पहिचानसहितको संघीयताको एजेण्डा बोकेको आफ्नो पार्टीलाई बहुमत बनाए संविधानको सुनिश्चित हुने उल्लेख गर्नुभयो ।

 आफु मन्त्रीहुदाँ समेत धादिङको विकासको लागी महत्पुर्ण भुमिका निर्वाह गरेको भन्दै धमलाले पुनःपनि  आफुलाई मत दिएर जिताउनको लागी आग्रह गर्नुभयो । धादिङ निर्वाचन क्षेत्रमा आफु सरकारमा हुदाँ दुई वटा केन्द्रिय बजेट पारेको भन्दै उहाँले जिल्लाको विभिन्न विद्यालयका भवन निमार्ण,विद्यालयहरुलाइ कम्प्युटर वितरण, धादिङबेशी देखी उत्तरी धादिङको बाटो कालोपत्रे गर्ने काम, मोटरबाटो निमार्णको काम आफुले गरेको बताउनु भएको थियो । घरदैलो अभियानमा गएका एमाओवादीका नेता तथा कार्यकर्तालाई जनताले भोट एमाओवादीलाई हाल्ने बताएका छन् । यो देशमा एमाओवादीले मात्र संविधान निर्माण र विकास गर्ने भएकाले पनि भोट दिने जनताले बताइरहेका छन् । यसैबीच नीलकण्ठ गाउँ विकास समिति वडा न. २ पौवामा पनि आज कोण सभा सम्पन्न भएको छ । कोणसभामा बोल्दै योङ कम्युनिष्ट लिगका निर्वाचन क्षेत्र न. २ का संयोजक राजेस अधिकारीले संविधानसभा निर्वाचनलाई भयरहित र शान्तिपुर्ण ढङगले सम्पन्न गर्नको लाग्ी  वाईसीय नेपाल प्रतिवद्ध रहेको उल्लेख गर्नुभएको थियो । घरदैलो अभियानमा जनवर्गीय संगठनका सदस्यहरु, पार्टीको जिल्ला स्तरीय नेता तथा कार्यकर्ता लगायत स्थानीय बासिन्दाहरुको उत्साह जनक सहभागिता रहेको  छ ।