माओवादी विस्तारित बैठकमै धर्ना

श्रावण ४, काठमाण्डौं । एकीकृत नेकपा माओवादीको विस्तारित बैठकको उद्घाटन कार्यक्रम चलिरहँदा रौतहटबाट आएको एक परिवार कार्यक्रम स्थल बाहिर धर्नामा बसेको थियो ।

रौतहट चन्द्रनिगाहपुर-२ का भोजपुरा राज्यसमिति सदस्य देवनारायण भगत एक बर्ष अगाडी मारिएका छोराको हत्यारा पत्ता नलागेको भन्दै सपरिवार धर्नामा बसेका हुन् । २०६८ असार ३ गते मारिएका उनका छोरा डाक्टर ज्ञानेन्द्र विनका हत्याराले अझै उन्मुक्ति पाएको भन्दै उनीहरु धर्नामा बसेको खबर नागरिक दैनिकले छापेको छ । प्राथमिक स्वास्थ्य केन्द्र चन्द्रनिगाहपुरमा कार्यरत छोराको हत्यामा संलग्न ठानिएकामाथि प्रहरीले कारबाही नगरेको उनीहरुको गुनासो रहेको छ ।

‘त्यतिबेला आफ्नै पार्टी गृहमन्त्री कृष्णबहादुर महरा हुँदा पनि न्याय पाईन, त्यहि भएर आज विस्तारित बैठकमा धर्ना बसेको हुँ,’ भगतले भने । पार्टीका लागि दिलो ज्यान दिएपनि अहिले छोराको हत्यारालाई कारबाहीको माग गर्दै धर्ना बस्नुपर्ने बाध्यता रहेको उनको भनाई छ । धर्नामा बसेका उनले अन्य राज्यसमितिका सदस्यहरुलाई आफ्नो पीडा बैठकमा लगिदिन अनुरोध गरेका छन् ।http://onlinekhabar.com