इनारमा पसेका दुबैको मृत्यु

काठमाडौं, साउन १ । काठमाडौंको मनमैजु शान्ति टोलमा सोमबार इनारमा पसेका दुई जनाको मृत्यु भएको छ ।

बिहान करिब ११ बजे स्थानीयवासी रामचन्द्र गुडीको घरमा इनार सफा गर्दा खसेको मेसिन निकाल्न खोज्ने नुवाकोटका अन्दाजी २४ वर्षका कृष्ण ढुङ्गाना र अन्दाजी १९ वर्षका स्थानीय सन्तोष श्रेष्ठको मृत्यु भएको बालाजु प्रहरीले जनाएको छ । ढुङ्गानालाई बचाउन श्रेष्ठ इनारमा पसेका थिए । दुबैलाई बचाउन डोरी बाँधेर इनारमा पसेका नुवाकोटकै नवराज ढुङ्गानालाई जीवितै उद्धार गरिएको छ । उनको अहिले जनमैत्री अस्पतालमा उपचार भइरहेको छ ।