जनमुक्ति सेनाहरुको जिल्ला भेला सम्पन्न

धादिङ श्रावण १६ घाटबेसी । एकीकृत नेकपा माओदीको पुर्व जनमुक्ति सेनाको जिल्ला भेला सोमबार पिडाको घाटबेसीमा सम्पन्न भएको छ  । जिल्लाको विभिन्न गाविसमा छरिएर रहेको पुर्व जनमुक्ति सेनाहरुलाई एकताबद्ध बनाई जिल्लाको विकास निमार्णको काममा लगाई जिल्लामा नमुना कार्यको थालनी गर्ने उदेश्यको साथ भेलाको आयोजना गरिएको हो । एकीकृत नेकपा माओवादी महाधिबेसन आयोजक समितिका सदस्य पुष्प विक्रम मल्लको आतिथ्य रहेको कार्यक्रमा माओवादी नेताहरु शालिकराम जम्मरकट्टेल, रामबहादुर भण्डारी, कल्पना धमला, उत्तम कडेंल जनमुक्ति सेनाको प्रथम डिभिजन कमान्डर यम बहादुर अधिकारी लगायत माओवादी नेता तथा कार्यकर्ताहरुको सहभागिता रहेको थियो । भेलाले मनराज भण्डारीको संयोजकमा पुर्व जनमुक्ति सेनाको प्लाटुन कमान्डर संमिलित १३ सदस्यीय जिल्ला भेला आयोजक समितिको गठन गरेका ेछ । भेलामा २०० भन्दा बढी माओवादी पूर्वलडाकुहरु सहभागी थिए ।