धादिङका मिलनको ‘नेताजीको म्याद’ विमोचन

१९ साउन, काठमाडौं । पत्रकार मिलन तिमिल्सिनाको हास्यव्यंग्य संग्रह ‘नेताजीको म्याद’ सार्वजनिक भएको छ । गाईजात्राको अवसरमा रेडियो अडियो र सिस्नुपानी नेपालले शुक्रबार संयुक्त रुपमा आयोजना गरेको ‘बानेश्वरको गाईजात्रा’ कार्यक्रममा चर्चित हास्य कलाकारहरुले धादिङका मिलनको तिमिल्सिनाको पुस्तक सार्वजनिक गरेका हुन् ।
पुस्तकमा हास्यव्यंग्य लेखकहरु मनोज गजुरेल, नरनाथ लुईंटेल र लक्ष्मण गाम्नागेले टिप्पणी गर्दै तिमिल्सिनाको पुस्तकले राजनीतिको तीतो यथार्थ झल्काएको बताएका छन् । हास्यंव्यंग्य साहित्यमा मिलनको पहिलोयात्रा उत्कृष्ट भएको उनीहरुको प्रतिकृया छ । हास्यंव्यंग्य निबन्धमा कलम चलाउनेहरुको संख्या कम भैरहेको बेला मिलनको साहित्यिक यात्रा महत्वपूर्ण हुने लुईंटेलले बताउनुभयो ।

सेञ्चुरी प्रिन्टिङ एन्ड पब्लिसिङ नेपाल प्रा।लि प्रकाशन गरेको पुस्तकको मूल्य एकसयरुपैंया तोकिएको छ । पत्रकार तिमिल्सिनाको यो दोस्रो कृति हो । यसअघि उनले मिलनको बकपत्र नामक आत्मपरक निबन्ध प्रकाशित भएको थियो ।