एमाओवादीको महाधिवेशन माघ १४ बाट

काठमाडौं, श्रावण २१ । एकीकृत नेकपा माओवादीले माघ १४ गतेबाट महाधिवेशन गर्ने भएको छ । माघ महिनाभित्रै महाधिवेशन सक्याउने र जनयुद्ध दिवस फागुन १ गते महाधिवेशनको निर्णय सार्वजनिक गर्ने गरी निर्णय भएको जनाइएको छ । पार्टी केन्द्रीय कार्यालय पेरिशडाँडा कोटेश्वरमा शनिबार बसेको महाधिवेशन आयोजक समितिको बैठकले माद्ध १४ गते महाधिवेशनको उदघाटन गर्ने निर्णय गरेको हो । बैठकले सबै राज्यसमितिका इन्चार्जहरु हेरफेर गरेको पनि गरेको छ । साथै पार्टीको प्रवक्तामा अग्नि सापकोटालाई तोकेको नेता दिनानाथ शर्माले जनाएका छन् । पार्टी अध्यक्ष प्रचण्डले बस्दै आएको लाजिम्पाट निवास छोड्ने घोषणा गरेपछि अर्को निवास खोज्ने जिम्मा केन्द्रीय कार्यालयलाई दिइएको पनि जनाइएको छ ।