स्थानीय प्रहरी प्रशासनले चासो देखाएन

धादिङ १६ आश्विन । जातीय छुवाछुतको घट्नलाई स्थानीय प्रहरी प्रशासनले चासो नदेखाएको धादिङबेसीमा आयोजीत एक कार्यक्रमका सहभागिहरुले गुनासो गरेका छन् । जातीय भेदभाव तथा छुवाछुत कसुर र सजाय ऐन २०६८ को कार्यन्वयन विषक एकदिने अन्र्तक्रिया कार्यक्रमका सहभागिले यस्तो बताएका हुन् ।
उपेक्षित उत्पीडित तथा समन्वयन समिति धादिङका उपाध्यक्ष राममाया विकको अध्यक्षता र राष्टिूय दलित आयोगका सदस्य सचिव भुवन सुनाको प्रमुख आतिथ्य रहेको कार्यक्रममा प्रमुख जिल्ला अधिकारी बेद प्रसाद खरेल, जिल्ला प्रहरी कार्यलय धादिङका प्रहरी नायव उपरीक्षक विकास खरेल,एकीकृत नेकपा माओवादीका जिल्ला सम्मेल आयोजक समितिका सदस्य राम बहादुर भण्डारी नेपाल पत्रकार महासंघ धादिङका सभापति सिताराम प्रसाद वर्मा, मानवअधिकारकर्मी विष्णुपुकार श्रेष्ठ लगायतको आतिथ्य रहेको थियो ।

जातीय छुवाछुतको कारण जिल्लामा भएको घट्नाको विषमा जानकारी गराउने उद्देश्यले आयोजना गरिएको कार्यक्रममा युवा प्रतिनिधिहरु योङ कम्न्युष्ट लिग धादिङका अध्यक्ष एवं केन्द्रीय सदस्य मनराज भण्डारी, नेपाली कांग्रेस सम्बद्ध तरुण दलका अध्यक्ष गोपाल विक, नेपाल राष्टिूय दलित मुक्ति मोर्चा धादिङका अध्यक्ष दिपक विश्वकर्मा, विभिन्न संघ–संस्थाका प्रतिनिधिहरु, गैर सरकारी संघ–संस्थाका प्रतिनिधि, मानवअधिकारकर्मीहरु लगायत जिल्लामा क्रियाशील सञ्चारकर्मीहरुको सहभागिता रहेको थियो ।
जिल्लामा जातियताको कारण गम्भिर प्रकारको घट्नाहुदाँ पनी स्थानीय प्रशासन मौन रहेको भन्दै मुलाखर्कको घट्नालाई प्रहरी प्रशासनले चासो नदेखाएकोे गुनासो गरेको थिए । जिल्लाका विभिन्न स्थानमा जातीयताको आधारमा घट्नाहरु बढ्दै जादा पनि स्थानिय प्रशासले चासो नदेखाएको भन्दै  घट्नाप्रति जिम्मेवार बन्न पनि सहभागिहरुले स्थानीय प्रहरी प्रशानसनलाई आग्रह गरेका थिए । सहभागिहरुको गुनासोको जवाफ दिदै प्रमुख जिल्ला अधिकारी बेदप्रसाद खरेलले दलित छुवाछुत कार्यन्वयनमा राज्य निरन्तर लागिपरेको  भन्दै मुलाखर्कको घट्नालाई कार्यन्वयन गराउन स्थानीय  प्रहरी प्रशासनले गर्नुपर्ने कामको कुनै कसुर बाकी नराख्ने पनि कार्यक्रममा सहभागि सम्पुर्णलाई जानकारी गराउनुभएको थियो ।