जारी चिनिया कम्युनिष्ट पार्टीको महाधिबेशन र दुनियाँको चासो

पुरुषोत्तम ढकाल, भर्जिनिया - विश्वको सर्वशक्तिमान राष्ट्र अमेरिकाले प्रजातान्त्रिक पद्दति र आम जनताको सहभागितामा जनमतबाट नेतृत्व चयन गरेको भोलिपल्ट देशका चौतर्फी सिमा र नाका बन्द गर्दै कडा सुरक्षा घेरा बीच दुनियाँको दोश्रो ठुलो आर्थिक शक्ति भनिएको चिनिया सत्तारुढ कम्युनिष्ट पार्टीको महाधिबेशन बिहिबार सुरु भएको छ । चिनिया सत्तारुढ कम्युनिष्ट पार्टीको यो महाधिबेशनले आर्थिक सुधारका जननी देंग स्याओ पेंग कालिन नेतृत्व पूर्ण रुपले परिवर्तन हुने हल्ला र तयारीले यति बेला बाँकी विश्वको ध्यान चिन तर्फ केन्द्रित रहेको छ ।

Read More

माओवादी र कांग्रेसलाई लाग्यो गाईजात्रा…

श्रावण १९ काठमाडौं । मुलुकको राजनीति र नेताहरुको कार्यशैली देख्दा लाग्छ, देशमा सधैं गाईजात्रा छ । हाँस्न, हँसाउन र व्यंग्य गर्न गाईजात्राको दिन पर्खनै पर्दैन । यो कुरा हास्य कलाकारहरुले पनि बारम्बार भन्दै आएका छन् । अब हाम्रो काम नेताहरुले गर्न थाले, हाम्रो त रोजीरोटी नै बन्द हुन थाल्यो भन्ने कलाकारहरुको प्रतिकृया हुन्छ । हुन त उनीहरुले यसलाई पनि व्यंग्यात्मक ढंगले भनेका हुन् । तर दल र नेताहरुको कार्यशैली र गतिबिधि चाहिं वास्तविक गाईजात्रा नै लाग्ने खालको छ ।

संविधानसभामा हुँदा पनि नेताहरुको चाला गाईजात्रे पाराको नै थियो । अहिले संविधानसभा बिघटनपछिको अवस्थामा पनि उनीहरुले गाईजात्राकै पारा देखाइरहेका छन् । राष्ट्रिय सहमतिको सरकार गठनका लागि हुने भनिएको छलफल अझै अनिश्चित छ । सहमति नभएकै कारण बजेट आंशिक मात्रै आयो । सरकारले घोषणा गरेको चुनाव टर्यो । अब राजनीतिक निकासको लागि नयाँ चुनाव या संविधानसभा पुनस्र्थापना के हो भनेर निर्णय गर्न ढिला भैसकेको छ । तर दलहरु अझै एक ठाउँमा बस्न सकेका छैनन् । गाईजात्रा पर्व ठ्याक्कै आएको बेला त मुख्य दल माओवादी र कांग्रेस आफ्नो घरायसी ‘नौटंकी’ मै व्यस्त छन् ।

उस्तै झमेलामा दुई दल

महाधिवेशनको तयारीमा लागेको ठूलो दल एकीकृत नेकपा माओवादी अहिले आयोजक समिति विस्तारको झमेलामा फसेको छ । पार्टी विभाजनपछि पनि गुटउपगुट उस्तै रहेको पार्टीमा समस्या झन् बल्भिmएको छ । अध्यक्ष प्रचण्ड, उपाध्यक्ष डा. बाबुराम भट्टराई र अर्का उपाध्यक्ष नारायणकाजी श्रेष्ठ प्रकाशबीच आयोजक समितिमा आआफ्ना मान्छे राख्ने होड छ ।

कांग्रेसको जिल्ला सभापतिहरुको राष्ट्रिय भेला सकिने बित्तिकै सहमतिको लागि छलफलमा बस्ने भनेको माओवादी आफ्नै आन्तरिक विवादमा फसेको छ । घरभित्रकै समस्या मिलाउन नसक्नेले बाहिरको समस्या कसरी हल गर्ला भनेर दुनियाँले भन्न थालेका छन् । कांग्रेसको पारा पनि उस्तै छ । जिल्ला भेलाले के के न गर्छ भनिएपनि पार्टीभित्र झन् विवाद बल्झाउने काम गरेको छ । भेलाले चुनावमा जोड दिएपछि संविधानसभा पुनस्र्थापनाको अभियानमा लागेका पूर्व सभासदहरु आक्रोशित भएका छन् ।

अझ कांग्रेसमा त यो भन्दा पनि ठूलो विवाद विभाग गठन र हेरफेरको कामले बढाएको छ । पार्टी सभापतिले एकलौटी ढंगले गठन गरेको भन्दै बरिष्ठ नेता शेरबहादुर देउवा समूह असन्तुष्ट छ । एनपी साउद र ज्ञानेन्द्र कार्कीले त आफूले सम्हाल्दै आएको विभागबाट राजीनामा दिइसकेका छन् । देउवा खेमाका अरु नेताहरु पनि जिम्मेवारीबाट पन्छिने तयारी गरेका छन् । यसले कांग्रेसमा ठूलै खैलाबैला उब्जाउने सम्भावना छ ।

यसरी गाईजात्राको बेला पारेर मुख्य दुई दल गाईजात्रा पारामै आन्तरिक झमेलामा छन् । कलाकारहरुले गाईजात्रा प्रहसन नसक्दासम्म यिनीहरुको प्रहसन सकिने छेकछन्द देखिँदैन ।

Read More

कोरियामा लुम्बिनी भ्रमण बर्षको प्रचार प्रसार

दक्षिण कोरिया - कोरियाको खावन्दो क्षेत्रमा रहेको जन्दङ्सा गुम्बाद्वारा आयोजित सातौं प्रबासी संस्कृतिक कार्यक्रममा लुम्बिनी भ्रमण वर्ष २०१२ को व्यापक प्रचार प्रसार गरिएको छ ।

लुम्बिनी भ्रमण वर्ष २०१२ कोरिया उपसमितिको सक्रियतामा सहभागिता जनाइएको एक दिने सो कार्यक्रममा भगवान गौतम बुद्ध  र लुम्बिनीको फोटो प्रदर्शनी गरिनुका साथै सहभागी बिदेशीहरुलाई लुम्बिनीको ब्रोसर पनि वितरण गरिएको  थियो ।

कार्यक्रममा उपसमितिका संयोजक गुरु नबिन बज्राचर्यले  गुम्बाका प्रमुख भीक्षु बम ऊलाई लुम्बिनीको फोटो हस्तान्तरण गरेका थिए । फोटो ग्रहण गर्दै र प्रदर्शनीमा राखिएको बुद्धाका तस्बिहरु अवलोकन गर्दै भीक्षु उले हालसम्म आफुले लुम्बिनीको भ्रमण नगरेको उल्लेख गर्दै एकपटक अवश्य भ्रमण गर्ने इच्छा ब्यक्त गरेका थिए ।

भिक्षु उले कोरियामा रहेको बुद्ध र लुम्बिनी सम्बन्धी भ्रम हटाउन यस्ता फोटो प्रदर्शनी कार्यक्रमहरु प्रभावकारी हुने भएकाले देशभर आयोजना गर्नु पर्ने धारणा पनि रखेका थिए ।  कार्यक्रमलाई कोरियाको प्रसिद्ध बौद्ध च्यानल बीटीएनले प्रत्यक्ष प्रसारण गरेको थियो ।

Read More