चीन अगाडि

लन्डन (एएफपी), श्रावण २२ - चीनले ओलम्पिक पदक तालिकामा अमेरिकालाई फेरि पछि पार्दै शीर्ष स्थान ओगटेको छ । उसले आइतबार बेलुकासम्म २८ स्वर्ण जित्दै अमेरिकालाई पछि पार्‍यो । अघिल्लो दिन अगाडि रहेको अमेरिकाले २७ स्वर्ण जितेको छ । तेस्रोमा आयोजक बेलायत र चौथो स्थानमा दक्षिण कोरिया छन् ।

चीनले १६ रजत र १४ कांस्यसहित कुल ५८ पदक जितेको । अमेरिकाको १४ रजत र १५ कांस्य छ । बेलायतले १६ स्वर्ण, ९ रजत र ९ कांस्य तथा दक्षिण कोरियाले १० स्वर्ण, ४ रजत र ६ कांस्यमाथि कब्जा जमाएका छन् ।

Read More

चीनलाई पछि पार्दै अमेरिका

लन्डन , श्रावण २१ - पौडीमा आफ्नो पारम्परिक दबाबलाई कायमै राखेपछि अमेरिका शनिबार लन्डन ओलम्पिकको आठौं दिन चीनलाई पछि पार्दै पदक तालिकाको पहिलो स्थानमा उक्लिएको छ । अमेरिकाले २१ स्वर्ण जितेको छ । चीन भने २० स्वर्ण मै सीमित छ ।

दक्षिण कोरियालाई एक स्वर्णले पछि पार्दै जर्मनी १० स्वर्णसाथ तेस्रो स्थानमा छ । दक्षिण कोरियाको ९ स्वर्ण छ । फ्रान्सको ८ स्वर्ण छ । पौडीमा माइकल फेल्प्सले कीर्तिमानी १८ स्वर्ण र  क्याटी लेडेकी पहिलो स्थान हात पारेसँगै अमेरिकाले चीनलाई पछि पारेको हो । ओलम्पिक इतिहासका सफल खेलाडी बन्न पुगेका फेल्प्सले ओलम्पिकमा आफ्नो पदक संख्या २२ पुर्‍याएका छन् ।

पुरुष एक सय मिटर बटरफ्लाइमा पहिलो स्थान हात पारेका उनले चार गुणा दुई सय मिटर फ्रिस्टाइल रिलेमा पनि स्वर्ण चुमे । २७ वर्षे यी अमेरिकी पौडीवाजले चार वर्षअघिको बेइजिङ ओलम्पिकमा ८ स्वर्ण जित्दै इतिहास रचेका थिए । 'अघिल्लो सातादेखि मलाई निकै कठिन भएको छ । धेरै भावनात्मक कुरा छन् । शनिबारपछि यी सबै भावना बाहिर आउनेछन्,' फेल्प्सले भने ।

पौडीवाज लेडेकीले महिला ८ सय मिटर फ्रिस्टाइलमा स्वर्ण जितिन् । उनले ओलम्पिक इतिहासमा दोस्रो छिटो समय निकालेकी हुन् । १५ वर्षे लेडेकीले ८ मिनेट १४ दशमलव ६३ सेकेन्डमा दूरी पूरा गरिन् । त्यस स्पर्धामा स्पेनले रजत र बेलायतले कांस्य जिते । लेडेकीले फेल्प्सले प्रतिस्पर्धा गर्नुअघि स्वर्ण जितेकी थिइन् । पुरुष ५० मिटर फ्रिस्टाइलमा फ्रान्सले स्वर्ण जितेको छ । उसका फ्लोरेन्ट मनाउडोउले पहिलो स्थान हासिल गरे । त्यस स्पर्धामा अमेरिकाले रजत र ब्राजिलले कांस्य जिते ।    

रोइङमा बेलायतलाई थप ३ स्वर्ण

लन्डन ओलम्पिकमा रोइङबाटै स्वर्णको खाता खोलेको बेलायतले त्यसै विधाबाट फेरि दुई स्वर्ण हात पारेको छ । उसले ओलम्पिक टिम स्पिटमा पनि स्वर्ण जित्यो । उसले महिला लाइटवेटअन्तर्गत स्कुल्समा स्वर्ण जित्यो । उसका क्याथरिन कोपल्यान्ड र सोफिही होस्किङको जोडीले चीनलाई रजतमा चित्त बुझाउन बाध्य पार्‍यो । त्यस स्पर्धामा गि्रसले कांस्य जित्यो । बेलायतले पुरुष रोइङ रेगाटामा लगातार चौथोपल्ट स्वर्ण जित्यो । उसका एलेक्स जर्जगोरी, पेट रिड, टोम जेम्स र एन्ड्रयु टि्रग्स हगले ओलम्पिकमा बेलायतलाई चौथोपल्ट च्याम्पियन बनाए । त्यस स्पर्धामा अस्ट्रेलियाले रजत र अमेरिकाले कांस्य जिते । टिम स्पिटमा बेलायतले फ्रान्सलाई रजतमा चित्त बुझाउन बाध्य पार्‍यो । अस्ट्रेलियालाई हराउँदै जर्मनीले कांस्यपदक जित्यो ।

डेनमार्कलाई स्वर्ण

पुरुष लाइटवेट स्कुल्स रोइङमा डेनमार्कले बेलायतलाई पछि पार्दै स्वर्ण जित्यो । उसको म्याड्स रासमुसेन र रासमुस क्उस्टको जोडीले पहिलो स्थान हासिल गर्‍यो । बेलायतका डिफेन्डिङ च्याम्पियन जक पर्चेज र मार्क हन्टरले रजतमा चित्त बुझाए । न्युजिल्यान्डमा त्यस स्पर्धामा कांस्य जित्यो । 

दक्षिण कोरिया विजयी

दक्षिण कोरियाले पुरुष डबल्स टेबलटेनिसमा पराजित गरेको छ । पहिलो चरणको रोमाञ्चक खेलमा दक्षिण कोरियाले उत्तर कोरियालाई ३-१ ले हरायो । दक्षिण कोरियाले क्वाटरफाइनलमा पोर्चुगलको सामना गर्नेछ । पोर्चुगलले बेलायतलाई ३-० को सेटमा हरायो ।

नेदरल्यान्ड्स र अस्ट्रेलियाको जित

महिला हक्कीमा अस्ट्रेलिया र नेदरल्यान्ड्स विजयी भएका छन् । नेदरल्यान्ड्सले समूह 'ए' को खेलमा दक्षिण अफ्रिकालाई ३-२ ले हरायो । अस्ट्रेलियाले समूह 'बी' को खेलमा भने दक्षिण अफ्रिकामाथि १-० को जित निकाल्यो ।

ट्रायथलनमा स्विट्जरल्यान्डलाई स्वर्ण

प्रतिस्पर्धात्मक खेलमा स्विडेनकी सेसा नोर्डनलाई पछि पार्दै स्विट्जरल्यान्ड्सकी निकोला स्पिरिगले स्वर्ण जितिन् । उनले १ दशमलव ५ किलोमिटर पौडी, ४३ किलोमिटर बाइक चलाउँदै र १० किलो मिटर दौडँदै पहिलो स्थान हात पारेकी हुन् । अस्ट्रेलियाले त्यस स्पर्धामा कांस्यपदक जित्यो । ekantipur

Read More

अन्डर सेभेन्टिन नकआउट फुटबल प्रतियोगिता शुरु

गोरखा श्रावण १९ / सम्झौता युवा क्लव गोरखा नगरपालिका–८ को आयोजनामा विहिवार देखि अन्डर सेभेन्टिन नकआउट फुटबल प्रतियोगिता सुरुभएको छ । जिल्ला भित्रका १६ टिमको सहभागिता रहेको उक्त प्रतियोगिता जिल्ला खेलकुद विकास समिती गोरखाका अध्यक्ष सुदिप नगरकोटी उद्घाटन गर्नुभएको थियोे ।
विहिवार भएको २ वटा खेलमा सम्झौता युवा क्लव बि ले लक्ष्मीबजार युवाक्लवलाई २ का विरुद्ध ३ गोलले पराजित गरेको थियो । यस्तै विहिवार नै भएको दोश्रो खेलमा दि ओसन क्लव दलभञ्ज्याङ्गले अमरदिप युवा क्लव अर्वाङ्गलाई ७–० गोल अन्तरले पराजित गर्यो । प्रतियोगिता अन्र्तगत आज विहान ८ वजे पहिलो चरणका बाँकी ६ खेल हुने क्लवले जनाएको छ । आवकोे पहिलो खेल सम्झौता युवा क्लव ए र दि युनाईटेड युथ क्लव वक्राङ्ग बिच प्रतिस्पर्धा हुनेछ ।

Read More

ओलम्पिकमा नेपालको प्रतिस्पर्धा बुधबारबाट

एजेन्सी/ सुटिङकी खेलाडी स्नेहा राणा बाहिरिएपछि अन्य नेपाली खेलाडीले आगामी बुधबारबाट लन्डन ओलम्पिकमा प्रतिस्पर्धा गर्दैछन् । आगामी अगस्ट १ मा बेलायतको लण्डनमा स्थानिय समयअनुसार बिहान १० बजे पौडीकी श्रेया धितालले प्रतिस्पर्धा गर्नेछिन् । उनले एक सय मिटर फ्रीस्टाइलमा प्रतिस्पर्धा गर्नेछिन् ।

बिहीबार पौडीको ५० मिटर फ्रीस्टाइलमा प्रसिद्धजंग शाहले प्रतिस्पर्धा गर्नेछन् । शाहको खेल बिहान १० बजे हुनेछ । अन्य दुई जना एथलेटिक्स खेलाडीहरूले भने अगस्ट ३ र ४ मा प्रतिस्पर्धा गर्नेछन् । आगामी शुक्रबार एक सय मिटरको इभेन्टमा प्रमिला रिजालले सहभागिता जनाउनेछिन् । अगस्ट ४ मा तिलकराम थारूले दुई सय मिटरको इभेन्टमा प्रतिस्पर्धा गर्नेछन् । शुक्रबार र शनिबारको खेल लन्डनको समयअनुसार बिहान दस बजे हुनेछ । खेल सकिएर फुर्सदिलो भएकी सुटिङकी खेलाडी स्नेहा राणा आगामी अगस्ट १३ मा ओलम्पिक समापन भएपछि मात्रै स्वदेश र्फकने पारिवारिक स्रोतले जनाएको छ ।

Read More

चीनको अग्रतामा खाली दर्शकदीर्घा

लन्डन , श्रावण १५ - चीनले आइतबार लन्डन ओलम्पिक २०१२ को पदक तालिकामा सुरुआती अग्रता लिएको छ । चिनियाँ खेलाडीले पौडीमा नयाँ विश्व कीर्तिमान पनि बनाए । प्रतियोगिताका अधिकांश आयोजना स्थलका दर्शकदीर्घा खाली हुन थालेपछि आयोजक कमिटीको आलोचना पनि सुरु भएको छ ।

फुटबलका मैदानसँगै विम्बल्डन र एक्वाटिक सेन्टरका दर्शकदीर्घा खाली रहेका छन् । यसअघि बेलायतीले खेलस्थल प्रवेशको टिकट किन्न खोजे पनि ती सबै बिक्री भइसकेको बताइएको थियो । त्यसै कारणले बेलायतीमा आक्रोश बढेको हो । इक्वेस्टि्रयन आयोजना हुने गि्रनविच पार्कमा पनि दर्शकदीर्घा खाली रहे ।

बेलायती महारानी एलिजाबेथ द्वितीयाकी नातिनी जारा फिलिप्सले खेल्ने भए तापनि त्यसमा दर्शकको अभाव देखिएको थियो । फिलिप्सले ओलम्पिकमा डेब्यु गर्दैछिन् । अर्कोतर्फ गर्मीपछि परेको अत्यधिक वर्षाले पनि आउटडोर स्टेडियममा दर्शकको संख्या घटेको हो । आयोजक पक्षले भने दर्शकदीर्घा खाली हुनु पछाडिका कारण खोज्ने भएको छ ।

'दर्शकको अभाव हुनु हाम्रा लागि लाजमर्दो स्थिति हो,' बेलायती मन्त्री जेरेमी हन्टले भने । उनले थपे, 'म बेइजिङ ओलम्पिकमा पनि सहभागी थिएँ । त्यति बेला सबै रंगशाला दर्शकले भरिएका थिए । यसले खेलको माहौल नै बेग्लै बनेको थियो । अहिले लन्डन ओलम्पिकमा त्यसको स्पष्ट अभाव देखिएको छ । हाम्रो एक मात्र उद्देश्य दर्शकलाई आकषिर्त बनाउनु हुनेछ ।'

यसबीच उज्वेकिस्तानका जिम्न्याटिस्क खेलाडी लुनिजा गिलिलिना डोपिङ परीक्षणमा असफल हुने अर्का खेलाडी भएका छन् । आइतबार लन्डन ओलम्पिकको पहिलो पूरा खेल हुने दिन रह्यो र यसमा चिनियाँ टिमको प्रभावशाली प्रदर्शन देखिएको छ । चीनले पदक तालिकामा स्पष्ट अग्रता पनि लिएको छ ।

आइतबार बेलुकासम्म चीनले छ स्वर्ण, एक रजत र दुई कांस्य जितेको छ । अमेरिका दुई स्वर्ण, तीन रजत र दुई कांस्यसहित दोस्रो स्थानमा छ । तेस्रो स्थानमा रहेको इटालीले दुई स्वर्ण, दुई रजत र दुई कांस्य जितेको छ । त्यसयता शीर्ष पाँचमा ब्राजिल र दक्षिण कोरिया छन् ।

चिनियाँ खेलाडी गुओ वेन्जुनले महिला १० मिटर एयर पेस्तोलमा स्वर्णपदक रक्षा गरिन् ।

उनले १० दशमलव ८ अंकको प्रदर्शन गरिन् ।

फ्रान्सकी सेलिनी गोवेरभिलीले रजत जितिन् । उनी शून्य दशमलव १ अंकले मात्र पछाडि रहिन् । युक्रेनकी ओलेना कोस्टेभ्चाले कांस्यमा चित्त बुझाइन् । त्यसैगरी जुडोको ६६ केजी पुरुष तौल समूहमा जर्जियाका खेलाडीले स्वर्ण पदक जिते ।

महिला ५२ केजी तौल समूहमा उत्तर कोरियाली खेलाडीले बाजी मारिन् । एन कुम एइले उत्तर कोरियाका लागि स्वर्ण दिलाएकी हुन् । उनले फाइनलमा क्युवाकी यानेत बेर्मोयलाई पराजित गरिन् ।

Read More

लण्डन ओलम्पिक आरम्भको घोषणामा घण्टी बज्यो

बेलायत, साउन १२ । बिग बेन शुक्रबार ओलम्पिक खेलको आरम्भका लागि तीन निमेटसम्म बज्यो । यसले बेलायतको राजधानीमा ओलम्पिक खेलको उद्घाटन समारोहको सङ्केत दिन्थ्यो ।

लन्डनका लागि सबैभन्दा मनपराइएको चिन्हको रूपमा रहेको अग्लो भवनको माथिल्लो भागमा रहेको ठूलो घडीको आवाजलाई बेलायतभरका सयौँ चर्चमा रहेका घण्टीले पछ्याए । यसपछि मुलुकभर रहेको घण्टीहरू ओलम्पिक खेलको आरम्भको सङ्केतमा बजे । थेम्स नदीमा महारानी एलिजावेथ द्वितीयाको जहाजमा रहेको घण्टी पनि बज्यो जहाँ ओलम्पिक मसाल ओलम्पिक रङ्गशालातर्फको अन्तिम मार्गमा रहेको थियो । यसो हुँदा स्थानीय समयअनुसार बिहानको ८:१२ भएको थियो ।

यी घण्टी रङ्गशालामा उद्घाटन समारोहको आरम्भ भन्दा ठीक १२ घण्टा अगाडि बजेका थिए । उद्घाटन समारोह स्थानीय समय अनुसार साँझ ८:१२ आरम्भ हुने कार्यक्रम तय भएको थियो । यस घण्टी बजाउने समारोहका आयोजक बेलायती सम्मानित पुरस्कार टर्नर विजेता मार्टिन क्रिडले प्रत्येक बेलायतीलाई यसमा भाग लिन आग्रह गरेका थिए । उनी विश्वमा एकै पटक बजाइएका सबैभन्दा धेरै घण्टीको कीर्तिमान कायम गर्न चाहन्थे र उनले बेलायती जनतालाई आफ्नो घरको घण्टी तथा साइकलको घण्टी समेत बजाउन आग्रह गरेका थिए ।

राजकीय नौसैनिक जहाजहरूमा पनि घण्टी बजे । यसका साथमा स्कटल्यान्ड, वेल्स, उत्तरी आयरल्यान्डका संसदीय भवनहरूमा रहेका घण्टी पनि बिग बेनसँगै बजे । बेलायतमा सन् १९५२ पछि यसरी अन्य समयमा बिग बेन बजेको यो पहिलो पटक हो । सन् १९५२ मा बिग बेन नरेश जर्ज छैठौँको देहावसानमा ५६ पटक बजेको थियो । सामान्य समयभन्दा अन्य समयमा वेस्टमिनिस्टरमा रहेको घण्टी बजाउन अधिकारीहरूले विशेष अनुमति दिएका थिए ।

Read More

यु–१९ विश्वकपका लागि नेपाली टोलीको घोषणा

२८ असार, काठमाडौं । आगामी साउन २० गतेदेखि अष्ट्रेलियामा सुरु हुने यु–१९ विश्वकप क्रिकेटका लागि नेपाली टोलीको घोषणा भएको छ ।

नेपाल क्रिकेट संघ क्यानले पृथु बाँस्कोटाको नेतृत्वमा १५ सदस्यीय टोलीको घोषणा गरेको हो । प्रदिप ऐरी उप कप्तान रहेको टोलीमा राजेश पुलामी, सागर पुन, नरेश बुढाऐर, कृष्ण कार्की, अविनास कर्ण, फजलुर रहमान, भुवन कार्की, हासिम अन्सारी र सुभाष खकुरेल रहेका छन् ।

हुल विश्वकर्मा, गोपालकुमार सिंह, सौरभ खनाल र रामनरेश गिरी पनि टोलीमा परेका छन् । यस्तै सुरेन्द्र चन्द, पवन श्रेष्ठ, रुपेश श्रीवास्तव र प्रजेशबहादुर सिंहलार्इ बैकल्पिक खेलाडीमा राखिएको छ ।

टिम म्यानेजरका रुपमा संघका सदस्य किरण राणा, सहायक म्यानेजरमा संघका सदस्य सुनिलमान अमात्य, प्रशिक्षकमा पुवुदु दशानायके, सहायक प्रशिक्षकमा जगतबहादुर टमाट्टा र प्राविधिक समिक्षकमा रमन सिवाकोटी सहभागी हुने क्यानले जनाएको छ ।

नेपाल रहेको समूह ए मा आयोजक राष्ट्र अष्ट्रेलियासहित इङ्ग्ल्याण्ड र आयरल्याण्ड छ । प्रतियोगिता सुरु हुने अघि नेपालले पपुवा न्यू गिनी र न्ूयजिल्याण्डसाग अभ्यास खेल खेल्नेछ ।

प्रतियोगितामा पहिलो खेल भने अगष्ट १३ मा अष्ट्रेलियाविरुद्ध खेल्नेछ । अगष्ट १५ मा आयरल्याण्डसाग खेल्ने नेपालले १६ मा इङग्ल्याण्डसाग खेल्नेछ । प्रतेक समूहबाट २-२ टोली क्वाटरफाइनलमा पुग्नेछ ।

Read More